宿宿醉 (已結業)

中環好西唔一定上蘇豪區既，呢間越南舖相當不俗，野食好食，環境亦好特別。自家製越式蔗蝦($48/1件)，味道好香好濃，吸哂甘蔗既甜味。芒果軟殻蟹米紙卷($98)，賣相好靚，芒果亦都新鮮，有甜味，配上軟殻蟹既脆口，好食！超級宿醉回魂粉($188)。呢到既招牌菜，個碗猶如返返去宮庭一樣，而且係勁大碗勁多餸，一定要好多人黎食先好叫。湯底十分入味，金邊粉好彈牙，索哂啲湯好好食。餸方面有安格斯牛肉粒、牛坑腩、牛栢葉、牛筋丸、越南虎蝦，總之就好多同好食。櫻花蝦遁地通菜($88)。櫻花蝦味好濃郁，通菜索哂啲汁都正。