陀地燒 (已結業)

今次呢間絕對係中環打工仔放工後chill一chill既好去處，位於九如坊，好易搵，大大間鋪頭坐得都好舒服🙆🏻‍♀️重點點評✍🏻✍🏻✍🏻蒜蓉燒生蠔：生蠔唔會好細隻，質地軟腍，除咗蒜蓉仲有榨菜，超級惹味！滷水豬大腸/豬粉腸：豬大腸超入味，充滿滷水香味，又燒得夠脆，而豬粉腸平時就好少食到，原來燒脆佐既豬粉腸係咁好食架，脆得黎又保持到粉狀既質感，口感好好呀！燒菠蘿：一定一定一定要叫既，菠蘿勁香甜，燒完有啲焦香既感覺，好好食！燒羊肉：羊肉大粒煙韌，充滿孜然粉既香味，又唔會好騷，有啲筋幾有咬口！雞爽肉：呢個其實都係雞肉，但比一般雞肉口感更爽，燒到焦脆爽口，口感幾特別！其他既串燒都係即叫即燒，熱辣辣，款式都多，主食小食都有，啤酒仲要買一送一添🍻食物：💯環境：💯服務：💯