影片
更多
2019-02-19
198 浏览
麻雀雖小，五臟俱全，最好用來形容中環這間貴價壽司丼飯屋。店內有分上下兩層，下層接待，上層就係主要座位。連個旋轉樓梯都咁的骰。Menu非常簡單, 全部都係定食，有齊前菜，味噌湯，沙律同甜，話佢貴價又唔算係太貴。前菜帶子裙邊爽口彈牙，甜中帶咸的醬汁好入味，極輕微的辣更覺惹味。和風的黑醋沙律酸酸的，開胃又健康有益，蔬菜切到一口的大小，看來師傅幾貼心。北海道海鮮丼幾抵吃，魚生有牡丹蝦，甜蝦，帶子，鮑魚，魷魚，墨魚，筋子，海膽，赤貝等，都只係$180。份量絕對不少。魚生每一切都十分新鮮，鮑魚爽口彈牙不粘牙，好入味。魷魚墨魚非常爽甜。切件的魚生份量都幾多，大概都有4-5切。自選18切丼可以選18款魚生，每款不多於4切。根據個人喜好剔了牡丹蝦，甜蝦，帆立貝，海膽，赤身，赤貝，松葉蟹肉，碎蔥拖羅等。牡丹蝦好大隻，成隻蝦頭拔走都無腸，鮮甜到一個點。甜蝦好creamy蝦味濃，帆立貝幾甜，海膽味濃鮮滑。赤身好香濃，脂肪比例好好，入口即溶。赤貝爽甜厚肉。松葉蟹肉肉質彈牙緊實且細緻鮮美，味道甘甜清香。碎蔥拖羅重魚味，拌蔥更香，魚肉軟滑。值得一提，丼飯配料一啲都唔hea, 酸蓮藕爽脆清新開胃，酸薑微辣，醋飯加左芝
麻雀雖小，五臟俱全，最好用來形容中環這間貴價壽司丼飯屋。店內有分上下兩層，下層接待，上層就係主要座位。連個旋轉樓梯都咁的骰。
Menu非常簡單, 全部都係定食，有齊前菜，味噌湯，沙律同甜，話佢貴價又唔算係太貴。
前菜帶子裙邊爽口彈牙，甜中帶咸的醬汁好入味，極輕微的辣更覺惹味。
和風的黑醋沙律酸酸的，開胃又健康有益，蔬菜切到一口的大小，看來師傅幾貼心。
北海道海鮮丼幾抵吃，魚生有牡丹蝦，甜蝦，帶子，鮑魚，魷魚，墨魚，筋子，海膽，赤貝等，都只係$180。份量絕對不少。魚生每一切都十分新鮮，鮑魚爽口彈牙不粘牙，好入味。魷魚墨魚非常爽甜。切件的魚生份量都幾多，大概都有4-5切。
自選18切丼可以選18款魚生，每款不多於4切。根據個人喜好剔了牡丹蝦，甜蝦，帆立貝，海膽，赤身，赤貝，松葉蟹肉，碎蔥拖羅等。
牡丹蝦好大隻，成隻蝦頭拔走都無腸，鮮甜到一個點。甜蝦好creamy蝦味濃，帆立貝幾甜，海膽味濃鮮滑。赤身好香濃，脂肪比例好好，入口即溶。赤貝爽甜厚肉。松葉蟹肉肉質彈牙緊實且細緻鮮美，味道甘甜清香。碎蔥拖羅重魚味，拌蔥更香，魚肉軟滑。
值得一提，丼飯配料一啲都唔hea, 酸蓮藕爽脆清新開胃，酸薑微辣，醋飯加左芝麻好香，飯質口感煙韌適中。
飯後還有甜品，當晚係紅桑子忌廉泡芙，凍凍的，忌廉香滑奶味濃。食完仲有精緻的牙籤可以使用。
张贴
