頭盤有和牛他他同香草魚茸薯仔沙律，和牛他他口感綿密，帶有濃郁肉香。魚茸薯仔帶有點鹹香，幾清新開胃。
餐湯係蘑菇忌廉湯，超濃菇味，仲飲到粒粒菇碎，真材實料。
每次係餐廳見到冬陰功意粉我都會好興奮，勁鍾意冬陰功酸酸辣辣嘅味道，好襯意粉，意粉口感係al dente，充滿嚼勁，慢煮雞胸超級嫩滑。
係法國都食過香草焗蝸牛，男朋友未食過表示害怕。蝸牛大粒厚肉，食落口感煙韌彈牙，以香草 蒜蓉 牛油一齊焗製，好香口，配埋好滑嘅薯茸，唔洗去法國都可以食到，好正。
紅館姜母鴨好特別，帶有點老薑味，油封鴨髀外皮金黃酥脆，肉質不算超級軟嫩，不過都容易撕開，點埋橘子醬食會減小油膩感。
最後就係我最期待嘅甜品，芒果拿破崙好新鮮酥脆，配上香甜芒果，完全係上等拿破崙。 鮮果芝士撻入面嘅cream cheese好smooth，都好好吃。
