田浦食肉

中環區難得一見高質韓燒
地方好就腳，食完之後就好啱去下場。
職員超好服務，全程唔使自己郁手，有靚仔靚女職員姐姐哥哥幫你。份量好足夠，每款嘅肉都可以起碼食到好幾件，真係可以試真食物嘅質素！
所有嘅肉燒到啱啱好，唔需要怕太老。嚟到嘅時候配菜已經完全放晒喺枱面每一樣都好高質。因為唔使自己郁手，所以好適合同朋友一齊嚟食，我哋一路傾一路食勁開心。
除咗肉食，其他嘅菜都好掂！今次嗌咗水冷麵同埋蒸蛋！超好食！有返咗去韓國嘅感覺！