瑞士咖啡室

营业中

休息中

午飯時段，決意在中環找尋新東西吃。雖然此店位處隱蔽細巷，但是超級排長龍的。價錢偏貴，畢竟地租問題。所有要平最好都係向上環方向搵食。此間店鋪格局雅潔，有點古式冰室feel，但我們今次上二樓，因為樓底低，食飯好嘈，連同檯既人講嘢都幾乎聽唔到。服務真係要講咗先：有點差。伙記為了一張四人方檯堅持要5個人坐，後來有一隊人馬得4個人夾硬坐落去，竟然係我們三人身後講左幾次，夾雜粗口話個班人好4個人坐5人檯(其實個張係四人方檯......)為了一碗叉燒意粉又講左三次粗口。大聲地係我們身後講某檯的客人又咁又咁......食物就真係具水準。常餐份量頗多，而且炒蛋係有蛋汁流出，聽同事講係好好食。自己要了雙送飯：豬扒司華力腸黑椒汁。飯份量頗少，但豬扒同黑椒汁都唔錯，司華力腸都係最普通的處理方法。不能不提他們的熱咖啡，很香濃，在上菜區附近已經聞到好香的咖啡味，一入口就真係比起好多茶餐廳出色，從來沒有想過午餐餐飲會飲到咁香既咖啡。另一同事吃了咖喱汁：豬扒雞翼飯，意見係咖喱汁幾好食，同埋個雞翼唔錯。一定有下次光顧的機會，但一定要12:30前到才有機會唔洗等位。