車水堂車仔麵

营业中

休息中

今次去咗中環一間車仔麵店，真係選擇困難症發作！配料多到睇到眼花，足足有成幾十款揀，樣樣都想試～ 我最後叫咗秘製汁米線，揀咗通菜、辣魷魚、蘿蔔同豬皮。個湯底好濃郁，帶少少甜辣，辣魷魚爽口彈牙，蘿蔔煮到好淋好入味，豬皮索晒湯汁超正！小食叫咗辣汁牛柏葉，辣得嚟好過癮，牛柏葉爽脆有嚼勁。朋友就叫咗蘿蔔、雞翼、魚蛋同魷魚秘製汁米線，雞翼滷得好入味，魚蛋彈牙，炸魚皮脆卜卜，浸落湯食仲正！ 兩碗麵嘅份量都夠晒大，女仔食可能會覺得多。飲品跟咗凍檸茶，茶底夠濃，甜度適中，解渴一流！ 總括嚟講，呢間車仔麵店配料新鮮，湯底惹味，價錢合理（中環地段嚟講算抵食），絕對係打工仔午餐好選擇！午市勁多人，最好早少少去霸位啊！