麻辣舖 (已結業)

新開張麻辣舖，主打外賣，位於中環士丹利街，非常潮既裝修完全估唔到佢係主打辣野。主食、沙律、 小食、burger，早餐都應有盡有。好多野都係自家秘製，非常新鮮。紅燒牛肋條飯，牛肋條又軟又香, 入口即溶, 個汁同隨餐附送4款涼拌小菜撈飯一流。甜辣嫰牛肉卷，薄餅香軟但有少少煎香脆感，都幾長一條。配料同餡好豐富，啖啖都咬到肉，非常香，配菜有羽衣甘藍、青瓜、紅椒，又fresh又解辣。XS 辣牛牛個漢堡應該係自家製，用左肉眼牛肩胛整，juicy又非常厚，仲有配住羽衣甘藍，爽口酸瓜同香脆芝麻包，香辣惹味。XS 辣豬豬呢款愛辣之人必食，手撕豬梅頭肉全部都沾滿自家製辣芝麻醬，非常入味，愈辣愈上癮。