影片
更多
2022-11-20
35 浏览
今日晏咗食晏，但係夜晚又約咗朋友食大餐，所以應該食返清淡少少好，平時返工都會路過見到呢一間食沙律，所以覺得就不如入去試吓啦入到，室內好光猛，而且有佢哋嘅招牌光燈喺度。得地下喺餐廳，見到上面都應該係屬於佢哋嘅範圍，不過行落嚟嘅人都係着住運動衫落嚟，所以我估樓上應該係健身室。見到佢哋嘅餐牌除咗有固定嘅印出嚟嘅餐單之外，亦都有手寫嘅餐單，佢地都有一塊牌教我哋點樣去落單，見到佢雪櫃都有除咗牛奶之外，仲有燕麥奶同埋唔同嘅蛋白粉，睇得出佢哋應該都話係好注重健康同埋好適合唔同飲食需要嘅人去幫襯。同埋餐牌上面都會有寫所有食物嘅卡路里，咁就方便啲要減肥嘅朋友仔。見到收銀處隔離有一啲唔同嘅藝術品，睇介紹原來係幫動物籌款，好有愛心！見到佢有all day breakfast，不過我就有啲肚餓，就揀咗佢哋嘅沙律，佢嘅沙律由菜去到唔同配料，甚至醬汁都可以自己揀，有十分大嘅自由度。我就揀咗羅馬生菜，大啡菇，青瓜片，蘿蔔絲，火雞肉，芝麻，店員推介話最新出左溫泉蛋，推介我試吓，咁我就加埋落去啦，而醬汁方面就用帶咗牛油果乳酪。大概等5分鐘就已經上到菜，一上菜就覺得成碗野都十分之鮮艷，有齊晒五行嘅顏色喺入邊，就咁睇都已經
見到佢哋嘅餐牌除咗有固定嘅印出嚟嘅餐單之外，亦都有手寫嘅餐單，佢地都有一塊牌教我哋點樣去落單，見到佢雪櫃都有除咗牛奶之外，仲有燕麥奶同埋唔同嘅蛋白粉，睇得出佢哋應該都話係好注重健康同埋好適合唔同飲食需要嘅人去幫襯。同埋餐牌上面都會有寫所有食物嘅卡路里，咁就方便啲要減肥嘅朋友仔。見到收銀處隔離有一啲唔同嘅藝術品，睇介紹原來係幫動物籌款，好有愛心！
見到佢有all day breakfast，不過我就有啲肚餓，就揀咗佢哋嘅沙律，佢嘅沙律由菜去到唔同配料，甚至醬汁都可以自己揀，有十分大嘅自由度。我就揀咗羅馬生菜，大啡菇，青瓜片，蘿蔔絲，火雞肉，芝麻，店員推介話最新出左溫泉蛋，推介我試吓，咁我就加埋落去啦，而醬汁方面就用帶咗牛油果乳酪。
大概等5分鐘就已經上到菜，一上菜就覺得成碗野都十分之鮮艷，有齊晒五行嘅顏色喺入邊，就咁睇都已經覺得好健康。咬落去蔬菜都係爽口嘅，而且份量亦都好大碗。一篤個溫泉蛋就知真章啦，一篤落去金黃嘅蛋漿流落嚟撈埋啲蔬菜食就更加配合。蛋漿係蛋香味非常重嘅，同埋覺得佢哋煮得啱啱好，唔會話有過熟嘅情況出現。火雞唔會好鞋同咸。我牛油果乳酪質感creamy，有牛油果嘅味，係fresh嘅，唔會有膩嘅感覺。將啲蔬菜點落去，可以再突顯蔬菜嘅甜味。不過建議可以再比多啲醬，咁就再正啲！蔬菜撈牛油果乳酪撈蛋汁依個配搭都好清新！大啡菇應該有烤過，所以個菇味仲明顯。整體來講沙律都係好有水準。
之後就再加左一個每日例湯就係薑南瓜湯，南瓜湯都係依舊十分之creamy，佢哋blend到會見唔到南瓜。但係都無阻南瓜嘅鮮味，除咗個Tong之外亦都會配上麵包粒，配上南瓜湯係幾好食嘅，掛住南瓜湯脆卜卜，唔會淋哂。雖然話有薑嘅成份，但係就唔會有辣嘅味道，個湯再配上少少橄欖油就更加健康。
最後叫多一杯紫薯奶昔，相比起出面嘅紫薯飲品，佢嘅顏色唔會好似出面咁鮮艷，但係飲落去係相對冇咁水，係會感覺到紫薯嘅比例係多過奶。飲落去味道相對上唔係出面咁甜，係真係可以飲到紫薯真正嘅甜味。
张贴
