車水堂車仔麵

今日中環做完嘢 見到呢間車仔好似唔錯咁就入去一試！

入面光猛乾淨 坐得舒服！

揀左自選5餸車仔面（咖哩魚蛋、玻璃魷魚、生茶、溏心蛋、蘿蔔）米線加秘製醬汁配凍檸茶

米線係我鐘意既口感 唔會太淋一pat 野但好易入口 湯底好似係滷水汁 甜甜地加埋d餸又幾夾！

溏心蛋好好味 早知叫多隻🤤

5個餸入面最推薦係蘿蔔！好甜好大舊又無渣 好耐冇食過咁大舊既蘿蔔啦 仲要煮得咁入味！

魷魚都唔錯 彈牙得黎唔會老
配埋醬汁 愈食愈滋味
下次想再黎試下佢其他餸！