永樂冰室 (已結業)

平時食茶記方便又價廉，揀餐又容易，猶如港式快餐，所以都深受香港人喜歡。鍾意食茶記既，就唔少得新一代的冰室，來到中環，冰室來講，呢間永樂冰室就最正不過了。首先抵到爛的下午茶餐，係中環地帶都係$50內，點了一碗薑蔥雞排米線，仲可以配個小食瑞士雞翅（2隻）再加杯凍鴛鴦，當然凍飲➕$3，都係$52 咋。大大碗雞扒米線，雞扒切好幾塊，香脆夠味，湯底是清湯底，加上小小薑蔥，絕對夠味，撈埋瑞士雞翅，瑞士雞翅夠正宗入味，送米線也一流，咁抵食邊度搵。來多個水煮魚米線，因為係午餐菜單，正價$65加凍飲$10，但呢個水煮魚也是做的正宗，未試過冰室食水煮魚既我真係歎為觀止，魚肉夠嫩滑，算算辣辣，小小麻好鬼頂隱。好食的小食也不例外，麻辣青瓜木耳小小酸辣，青瓜又新鮮，超級開胃啊，同埋超抵食的滷水小吃拼盤，份量多而美味，有滷蛋，滷肉等等大大件，都係$38 一碗，真係可以慢慢食慢慢傾。最後一定要記得話比大家知，呢度星期一至五，全單仲要88折，crazy discount, 小柔真係極力推薦。