日新鮮豆漿 (已結業)

媽咪同爸爸剛剛昨晚去完旅行返嚟！今朝媽咪無預備我嘅早餐！ 叫我出街食，Oh! 都無 idea！走到中環，記得早前經過見到 <日新鮮豆漿> 有多款豆漿，就算早餐飲豆漿總算健康！早餐由 $10 ~ $18 不等，好經濟！ 中環區嚟講簡直係超值呀！ 上次食過蕃薯包 $5 / 個，質素 OK! 以蕃薯代水，混合麵粉搓；食起嚟唔黏牙！唔係好甜！今次試吓煎薄餅！ 煎薄餅 + 豆漿 $15即叫即煎！等上好幾分鐘！熱辣辣架！ 一分為六小件，主要材料係葱粒、紅蘿蔔絲、蝦米及少許菜餔！潮式風味！真好食！ 既飽肚又可以食得快！作為早餐係一個不錯嘅選擇！紫米豆漿 +$2由於，早餐包括嘅豆漿為 $6 嘅原味豆漿，其他口味要加錢！平時飲紫米糖水飲得多，飲紫米豆漿係新嚐試！ 豆漿味道濃郁！紫米煮得腍！尚有些少咬感！ 與糖水一齊煲過，略帶甜味！我見就算外賣都好快！唔使點等！中環上班一族起碼多個抵食選擇啦！