Animojo (已結業)

發現中環有一個小森林，充滿野外氣氛，好特別。 未踏入門口已經見到玻璃櫃入面有龜同蜥蝪，有冇FEEL先?入到去亦會見到兩個玻璃櫃，小朋友更覺興奮。除左有昆蟲陪你食飯，套餐都改名為：青蛙晚餐同白蛇晚餐，配合主題！咁有趣，兩個套餐都要試吓啦~香港仔避風塘炸雞唔似食開嘅避風塘口味，不過好好食，雞肉入面係軟滑多汁，正架！焗蟹肉配麵包片呢個超好食，份量多到似係一道主食，而唔係前菜咁簡單。 好多蟹肉，勁滋味。蜂蜜芥末法國春雞及澳洲大蝦大蝦一啲都唔大，係細蝦。 好在夠彈牙，同埋好細心咁預先拆左殼，食得方便。 法國春雞就原隻，好大件，做得都夠滑夠入味，唔錯。埃塞俄比亞免治和牛鍋配16穀飯店員溫馨提示話會辣，所以叫左少辣。 估唔到少辣都幾辣，朋友鍾意食辣就啱晒。 中間有球炸物，原來係炸雞蛋，夠特別。最後甜品係士多啤梨意式奶凍。餐飲可以揀所有無酒精飲品，咖啡有拉花。Arnold Palmer 原來係檸檬汁溝冰紅茶，第一次叫，又學到新野！舖頭細細間，但以昆蟲做主題，加啲非洲菜式，配搭新穎有創意，加上食物好大份，係一次好好嘅體驗。