竹麓拉麵

位於中環街市內嘅呢間拉麵小店，今日嗌咗兩碗麵加小食，覺得性價比唔錯！

店員好細心，提醒我地唔好坐太遠，因為驚個接收器會收唔到👍拉麵有5款，最貴嘅和牛鹽風拉麵都只係$128,好抵，我地嗌左兩碗😂然後各加左一款小食，分別係黑豚肉餃子同唐揚雞翼。

拉麵個湯底清清地唔會過濃過咸，拉麵幼身彈牙，薄切和牛牛花幾靚亦重牛味，食材上乘，另外每碗都會有半邊流心蛋。唐揚雞翼非常香脆且零油膩感，非常推介呀！餃子煎得好靚仔，爆料爆汁，滋味滿滿～飲品仲有支裝茶揀。