善茶 (已結業)

呢間係中環街市🎊新開嘅茶飲店主打港式絲襪奶茶🥤，店主師承金茶王👑，希望用茶飲店嘅方式承傳以及推廣🇭🇰港式絲襪奶茶傳統工藝。店名「善茶 caring tea」亦有意思，因為店主會從💰盈利當中撥出一部份作慈善用途👍，十分之有❤️善心！茶飲🥤款式全部都係🇭🇰港式地道風味，分別有樽仔奶茶、冷泡茶、薏米水同埋即沖嘅杯裝奶茶、鴛鴦。我朋友試咗無糖嘅🍋檸檬薏米水🍹，佢話味道好香好清新。我就揀咗🌊海鹽焦糖🥤絲襪奶茶加☕️咖啡點子，絲襪奶茶🤤好濃厚香滑👍，海鹽焦糖味好 balance 唔會太搶😋，底有☕️咖啡點子（咖啡啫喱）好有咬口好Q，飲起上嚟層次感十分豐富🤩！下次來中環街市一定會再嚟幫襯！