影片
更多
2021-05-29
51 浏览
之前一直碌social media都見到唔少foodie們巳經嚟左呢度朝聖...而我都唔執輸，今日就嚟到呢個靚靚打卡cafe同朋友chill下～一入到門口就巳經見到打卡位有人排緊隊啦，鞦韆位置很好拍，透光感好強嘅落地玻璃設計，真係點影都靚🤩 不過要早啲嚟啊，我同朋友果日5點幾嚟，天色開始暗，影出嚟冇咁靚㗎！🍝 煎帶子香草黑蒜意粉 ($128)帶子都幾肥美，總之唔係細細粒果種啦😂帶子表面煎至金黃色，但裡面唔會煮得過老，味道都幾鮮甜～初頭唔知黑色一片片果啲係咩，朋友食落話似係話莓？！之後睇番menu先知係黑蒜，但蒜味唔算太突出～🍝 茴香酒蜆意粉 ($128)一上菜第一眼嘅反應就係...哇！咁多蜆嘅！！老實講對比其他餐廳嘅蜆意粉，佢地蜆嘅份量真係好多，而且食落味道都幾新鮮！同酒香意粉味道都好夾，但意粉食落略為偏硬同乾身～🧋 Iced Chocolate ($56)☕️ Rose Latte ($43)見網上其他人都推介呢杯玫瑰latte，就一於叫嚟試下啦！一放低杯咖啡巳經聞到好香嘅玫瑰味🌹但飲落咖啡味唔算好重，我覺得咖啡味稍為濃番少少會更好！佢地都好細心，係咖啡上面加上玫瑰花瓣，即係令成件事
一入到門口就巳經見到打卡位有人排緊隊啦，鞦韆位置很好拍，透光感好強嘅落地玻璃設計，真係點影都靚🤩 不過要早啲嚟啊，我同朋友果日5點幾嚟，天色開始暗，影出嚟冇咁靚㗎！
🍝 煎帶子香草黑蒜意粉 ($128)
帶子都幾肥美，總之唔係細細粒果種啦😂帶子表面煎至金黃色，但裡面唔會煮得過老，味道都幾鮮甜～
初頭唔知黑色一片片果啲係咩，朋友食落話似係話莓？！之後睇番menu先知係黑蒜，但蒜味唔算太突出～
🍝 茴香酒蜆意粉 ($128)
一上菜第一眼嘅反應就係...哇！咁多蜆嘅！！
老實講對比其他餐廳嘅蜆意粉，佢地蜆嘅份量真係好多，而且食落味道都幾新鮮！同酒香意粉味道都好夾，但意粉食落略為偏硬同乾身～
🧋 Iced Chocolate ($56)
☕️ Rose Latte ($43)
見網上其他人都推介呢杯玫瑰latte，就一於叫嚟試下啦！一放低杯咖啡巳經聞到好香嘅玫瑰味🌹但飲落咖啡味唔算好重，我覺得咖啡味稍為濃番少少會更好！佢地都好細心，係咖啡上面加上玫瑰花瓣，即係令成件事變得好打卡able！❤️
🍰 奶茶蛋糕 (但我唔記得咗$)
蛋糕質地都好鬆軟，奶茶味都幾濃，但食落偏甜，如果自己一個人食哂成件會覺得有啲膩，同朋友share一件就剛剛好！
张贴
