影片
更多
2023-06-04
298 浏览
中環SOHO區扶手電梯附近的全新高級峇里島風格西餐廳，距離中環地鐵站8分鐘步程，座落繁華鬧市中心地帶。度假風的異國風情及裝修別具一格，雲石餐桌及滕繩製造出木椅與燈罩更顯環境格調，配合獨立卡位與包房設計，無論室內朋友聚會或戶外舉辦活動，每一個位置更以植物裝飾及燈光氛圍都非常適合打卡舒適。食物餐點主要以新派東南亞fusion菜式與餐廳主題情調互相輝映，平日的中午人流不多，午市餐牌一份沙律配合一入主菜與飲品只需一百多，價錢相當實惠，這次同朋友一齊食飯傾計，前菜我地單點咗一份香脆薯條配黑松露蛋黃醬、檸檬蜜糖烤雞肉串燒同一配冬蔭公脆米湯，而兩份午市套餐點咗兩份泰式軟殼蟹沙律，加錢點咗一份海鮮扁意粉及一份紅蝦意粉配龍蝦辣汁，飲品我哋分別叫咗一杯咖啡同加錢叫咗一杯特飲，呢杯特飲係店舖必點之選，海藍的顏色配合花裝飾，承載喺一個圓圓嘅波入邊，外面灑上一些白粉點綴，非常漂亮！⭐️泰式軟殼蟹沙律泰式沙律🥗面層鋪了一隻一分為二中等大細嘅軟殼蟹，方便客人享用，軟殼蟹有預先油炸過，而口感較為軟熟，沙律略嫌有點帶苦澀味，不過上面鋪滿咗蕃茄仔同埋食用花，都算幾開胃。⭐️香脆薯條配黑松露蛋黃醬薯條即叫即炸，應該係只油炸過一
中環SOHO區扶手電梯附近的全新高級峇里島風格西餐廳，距離中環地鐵站8分鐘步程，座落繁華鬧市中心地帶。
度假風的異國風情及裝修別具一格，雲石餐桌及滕繩製造出木椅與燈罩更顯環境格調，配合獨立卡位與包房設計，無論室內朋友聚會或戶外舉辦活動，每一個位置更以植物裝飾及燈光氛圍都非常適合打卡舒適。
食物餐點主要以新派東南亞fusion菜式與餐廳主題情調互相輝映，平日的中午人流不多，午市餐牌一份沙律配合一入主菜與飲品只需一百多，價錢相當實惠，這次同朋友一齊食飯傾計，前菜我地單點咗一份香脆薯條配黑松露蛋黃醬、檸檬蜜糖烤雞肉串燒同一配冬蔭公脆米湯，而兩份午市套餐點咗兩份泰式軟殼蟹沙律，加錢點咗一份海鮮扁意粉及一份紅蝦意粉配龍蝦辣汁，飲品我哋分別叫咗一杯咖啡同加錢叫咗一杯特飲，呢杯特飲係店舖必點之選，海藍的顏色配合花裝飾，承載喺一個圓圓嘅波入邊，外面灑上一些白粉點綴，非常漂亮！
⭐️泰式軟殼蟹沙律
泰式沙律🥗面層鋪了一隻一分為二中等大細嘅軟殼蟹，方便客人享用，軟殼蟹有預先油炸過，而口感較為軟熟，沙律略嫌有點帶苦澀味，不過上面鋪滿咗蕃茄仔同埋食用花，都算幾開胃。
⭐️香脆薯條配黑松露蛋黃醬
薯條即叫即炸，應該係只油炸過一次，細細條香脆軟口配埋黑松露蛋黃醬食，因為有啲餓食到停唔到口🤭
⭐️檸檬蜜糖烤雞肉串燒
一串有三件雞肉，每一件都幾大件，醬汁都幾香濃惹味，食到少少香茅嘅味道，啖啖烤過的微微焦香及雞肉香滑。
⭐️冬蔭公脆米湯
店員會即場將湯底倒出，熱辣辣遞出嚟聞到香濃嘅椰子香，冬陰功湯微辣重有青口、牛奶蜆等海鮮香菇夾雜着，每一啖總會有一啲脆米伴隨口感，呢個非常開胃滋味！
⭐️海鮮扁意粉（海膽）
意粉份量都幾多，表面鋪咗一啲海膽增加海鮮香味，除咗表面嘅海膽意粉內似乎沒有其他的海鮮，醬汁剛剛好不多也不少，而每一條意粉都有海鮮醬汁嘅味道。
⭐️紅蝦意粉配龍蝦辣汁
口感有點像豉油炒麵的紅蝦意粉，上面有兩隻海蝦及食用花裝飾，辣辣地唔會太辣口，意粉煮得，剛剛好不會太軟咬落爽口。
张贴
