中環茶記 (已結業)

今晚係中環上完跳舞班，落堂勁肚餓，同一大班同學去左食飯。我地入左一間茶記食晚餐，「中環茶記」。門面好光鮮好吸引，餐廳環境乾淨整潔，非一般街邊茶記。menu選擇好多，有啲懷舊菜式，晚餐時段人客好多啊。我叫左麻辣豬手，豬手好軟腍，入口油脂感不重膠質感豐富啊！肉質爽嫩，最愛炆得好入味既豬皮。麻辣香濃辣度適中！主食我叫左葡國雞飯，即叫即焗，葡汁好惹味！帶濃濃椰香，芝士好重好香口！雞肉嫩滑份量多，質素非常高。