CHIMAC (天星碼頭)

营业中

休息中

好少搭天星小輪，今次係同朋友一齊，佢話好耐冇搭不如一齊搭小輪過海，咁喺中環7號碼頭就被一個好特別嘅招牌吸引住，有炸雞喎，就咁食埋雞先過海囉，呢個就係就腳的好處。朋友超鍾意食炸雞，如果唔係就唔會停低囉，咁就嗌咗個蔥蒜豉油雞，就咁睇有少少偏黑，但面上有啲綠色生葱伴碟，都幾靚吓，而且食落真係超好味，當然仲有海景伴碟更是吸引，遠處西九的故宮，近處渡輪出出入入，都為美食增添姿色。平時食嘅炸雞都比較乾爭爭但係呢個就濕濕地所以我哋都好鍾意，除咗豉油味仲甜甜地應該加咗啲糖或者係蜜糖醃過，食極都仲有，食極也唔厭。另外嗌咗一份洋蔥芝士味炸雞腿肉，呢個嘅好處就係唔需要𦧲骨，啱曬啲懶人。可樂和啤酒都係食炸雞的絕配，今次冇嗌啤酒，點咗樂天嘅忌廉鮮奶代替，亦都幾好。