Honbo (已結業)

今日去搵個喺中環返工嘅高級行政人員食lunch，佢話介紹我去食一間好好味嘅burger，一到步原來就係傳說中嘅HONBO，我之前都已經喺灣仔食過，原來佢最近喺中環開咗分店，估唔到我哋嘅口味咁夾。我叫咗個Double Cheese Burger，塊牛肉漢堡超級厚身，每塊有4安士，配上芝士洋蔥等，好味到爆！朋友因為唔食牛肉，所以佢就揀咗grill chicken burger，呢個份量比較輕盈， 雞扒燒得好靚，配埋啲生菜，感覺清新不油膩。食burger總覺得一定要配薯條，我哋分別叫咗一份炸蕃薯條同一份芝士薯條，原來一份份量好多，我哋結果食唔晒，早知叫一份share都夠晒。仲有叫咗兩杯特飲，分別係apple pie iced tea同埋green lemon tea，蘋果嗰杯有好香嘅玉桂味，而青檸嗰杯就酸酸甜甜咁，我再自己加冰就覺得好正啊！呢間burger雖然價錢有啲貴，但係佢嘅味道絕對對得起呢一個價錢！