影片
更多
2022-05-04
151 浏览
近日迷上素食嘅我，今日返工約咗朋友響我公司附近嘅Green Common 食Lunch ，中環呢間係新店，有地下和一樓兩層，地下是專售賣素食雜貨，一樓才是餐廳，新店裝修以粉藍色為主，又靚又大，我哋去嗰陣時啱啱過咗人流最多嘅lunch time時候，冇咁多人，比較靜坐得更加舒服。呢度嘅Lunch Set 非常抵食，有主菜，餐湯，麵包，飲品，聽落去好似好基本，但當見到食物嘅質素同埋份量，你就會覺得佢哋做任何一樣食物都好用心👍🏻🍽Lunch Set 午市套餐🥖▪️餐包 / Cream Cheese / 黑醋賣相已經100分，餐包有兩款唔同嘅麵包，配上cream cheese 和黑醋，麵包新鮮好食，兩款醬汁都係我好鍾意食嘅，搽麵包一流🫕▪️香茅粟米湯粟米湯超級濃香，好Creamy 仍然食到好滑既粟米茸，帶少香茅味道好淸香湯嘅味道又清甜，好高質素既一個湯，非常好飲🥗▪️是日沙律配柚子汁新鮮沙律菜配上藍莓，士多啤梨，無花果，腰果碎，重點係佢嘅柚子沙律汁好好味，令到原本新鮮嘅食材更加好食🥙🍟▪️魚柳漢堡配薯條 $ 148漢堡包有點像饅頭但又煙靭一點，魚柳像真度極高，大量紫椰菜和自家製嘅沙律醬汁，魚柳香口，蔬
近日迷上素食嘅我，今日返工約咗朋友響我公司附近嘅Green Common 食Lunch ，中環呢間係新店，有地下和一樓兩層，地下是專售賣素食雜貨，一樓才是餐廳，新店裝修以粉藍色為主，又靚又大，我哋去嗰陣時啱啱過咗人流最多嘅lunch time時候，冇咁多人，比較靜坐得更加舒服。
呢度嘅Lunch Set 非常抵食，有主菜，餐湯，麵包，飲品，聽落去好似好基本，但當見到食物嘅質素同埋份量，你就會覺得佢哋做任何一樣食物都好用心👍🏻
🍽Lunch Set 午市套餐
🥖▪️餐包 / Cream Cheese / 黑醋
賣相已經100分，餐包有兩款唔同嘅麵包，配上cream cheese 和黑醋，麵包新鮮好食，兩款醬汁都係我好鍾意食嘅，搽麵包一流
🫕▪️香茅粟米湯
粟米湯超級濃香，好Creamy 仍然食到好滑既粟米茸，帶少香茅味道好淸香湯嘅味道又清甜，好高質素既一個湯，非常好飲
🥗▪️是日沙律配柚子汁
新鮮沙律菜配上藍莓，士多啤梨，無花果，腰果碎，重點係佢嘅柚子沙律汁好好味，令到原本新鮮嘅食材更加好食
🥙🍟▪️魚柳漢堡配薯條 $ 148
漢堡包有點像饅頭但又煙靭一點，魚柳像真度極高，大量紫椰菜和自家製嘅沙律醬汁，魚柳香口，蔬菜非常爽口，整個配搭好好，新鮮即炸粗薯條配上黑松露沙律醬，一定好食
🍜▪️吉列豬扒擔擔烏冬 $ 168
吉列豬扒像真度極高，外層炸到脆卜卜，一D都唔油，素肉幾彈牙，非常唔錯，烏冬就更加精彩，醬汁像芝麻醬一樣帶花生香，面層放上像XO味道的素肉碎，醬汁撈上烏東，喜愛麻醬味道嘅朋友絕對不能錯過😋😋
🥑▪️ 新吞拿牛油果醬配多士 $38
平時最鍾意食牛油果醬配Nachos ，見到有類似嘅食材就即刻要叫，仲要咁抵食，牛油果醬就係我平時食開放左檸檬汁嘅一樣味道，新吞拿魚同正常既完全冇分別，加左少少沙律醬，搽上小多士，好味又開胃既一個小食
🧋▪️泰式奶茶 + $ 10
🥤▪️凍泡沫咖啡
飲品造型也是花盡心思，特別係泰式奶茶，就像在泰國飲的一模一樣，有泰國茶既香濃味道👍🏻
Ice Cappuccino 也做得相當唔錯，咖啡和奶嘅分量剛剛好。
张贴
