影片
更多
2024-07-24
319 浏览
男朋友接放工，又咁啱途經蘭桂坊，我哋比部白色鋼琴吸引咗就坐低咗。見到其實套餐係米芝蓮推介，但因為晏晝食多咗，咁就純粹諗住散嗌啲嘢食。結果真係比想像中高質太多，下次再過嚟一定會嗌set試吓。‣ LM Lychee Martini $138由於聽日要返工，我諗住都係小酌就算。自己都係偏好甜酒，係recommendation底下就嗌咗呢杯試吓。入口清甜，荔枝味夠重夠香，完全感受到荔枝嘅果香同酒精嘅微醺，完美平衡到甜度同酒味，啱晒我呢啲唔係太飲得嘅人。‣ 乾式熟成A5日本和牛魚子醬多士 $318（3 pcs）和牛肉質嫩滑、油花分佈均勻，真係入口即化，唔誇張但擺入口就知呢塊係熟成牛。加上頂部嘅魚子醬，鹹香味道提升咗成個多士嘅層次，其實就咁分開食魚子醬已經好出色，佢本身嘅味道已經好出。多士又夠脆卜卜，配合和牛嘅柔軟，口感真係相當豐富。‣ 焦糖法國鵝肝撻 $88（pc）呢個焦糖鵝肝撻真係好正，一上枱聞到個下已經心諗不得了。每一啖都感受到鵝肝嘅濃郁，加上撻皮嘅鬆脆，口感一流，正到不得了。而焦糖嘅微甜中和咗鵝肝嘅油膩，令到整體味道更加豐富。無論係視覺定係味覺上都帶嚟享受，個撻絕對值得一試。‣ 澳洲Bla
‣ LM Lychee Martini $138
由於聽日要返工，我諗住都係小酌就算。自己都係偏好甜酒，係recommendation底下就嗌咗呢杯試吓。入口清甜，荔枝味夠重夠香，完全感受到荔枝嘅果香同酒精嘅微醺，完美平衡到甜度同酒味，啱晒我呢啲唔係太飲得嘅人。
‣ 乾式熟成A5日本和牛魚子醬多士 $318（3 pcs）
和牛肉質嫩滑、油花分佈均勻，真係入口即化，唔誇張但擺入口就知呢塊係熟成牛。加上頂部嘅魚子醬，鹹香味道提升咗成個多士嘅層次，其實就咁分開食魚子醬已經好出色，佢本身嘅味道已經好出。多士又夠脆卜卜，配合和牛嘅柔軟，口感真係相當豐富。
‣ 焦糖法國鵝肝撻 $88（pc）
呢個焦糖鵝肝撻真係好正，一上枱聞到個下已經心諗不得了。每一啖都感受到鵝肝嘅濃郁，加上撻皮嘅鬆脆，口感一流，正到不得了。而焦糖嘅微甜中和咗鵝肝嘅油膩，令到整體味道更加豐富。無論係視覺定係味覺上都帶嚟享受，個撻絕對值得一試。
‣ 澳洲Black Opal m9和牛小排 $398
肉質有幾鮮嫩多汁，油花有幾香呢啲已經唔使再講。不過作為配菜嘅千層薯仔絕對係令我相當驚喜。面頭烤焗嘅焦香，再加上層次分明嘅口感，整得相當出色同埋有心機。配上和牛小排，絕對係嗌完都唔會後悔嘅選擇。
张贴
