影片
更多
2018-11-28
1153 浏览
今日放工同埋同事去附近睇下有咩食啦，见到一间平时午市好多人食既汉堡店🍔，今日竟然唔驶等，咁就当然去试试啦，呢间汉堡包店个装修格局都好美式。入到去个侍应即时安排位置同介绍餐牌既食物，服务几好。见到佢地既汉堡口味都好多元化，侍应话最多人食既系经典汉堡，但见其他款式都好吸引啰...有双层芝士🧀、鸡肉🐔、猪肉🐖、有spicy既🌶，真系搞到我有选择困难...但见到原来呢度连食素既顾客都照顾到，佢有个叫做清新素汉堡，都算几窝心♥️。点知侍应话呢期仲有个新口味推出，就系软壳蟹🦀汉堡。哗~~ 我同事最爱食热气野，所以谂都唔谂就点呢个...最后我就要个经典汉堡🍔。佢个软壳蟹汉堡原来仲有个幼薯条跟餐送，而我呢因为无，所以侍应都即时介绍左呢度好出名既薯条🍟，系用鸭油炸既薯角，好多人都必点，咁去得呢到当然唔放过啦，另外我地就点多一款火热鸡槌（大）🍗，加多两罐汽水，两个人食应该好够啦...系等紧既途中听住音乐倾下计真系无得顶，不过俾我留意到原本呢度系间米芝莲推介既餐厅😲😲，唔怪之得成个环境都好舒服啦~ 等左一阵间就已经有香喷喷既美食送到啦，汉堡包再配埋薯条呢一个组合，呢基本上已经无得顶，加上佢用木盘衬底，有的vi
今日放工同埋同事去附近睇下有咩食啦，见到一间平时午市好多人食既汉堡店🍔，今日竟然唔驶等，咁就当然去试试啦，呢间汉堡包店个装修格局都好美式。入到去个侍应即时安排位置同介绍餐牌既食物，服务几好。
见到佢地既汉堡口味都好多元化，侍应话最多人食既系经典汉堡，但见其他款式都好吸引啰...有双层芝士🧀、鸡肉🐔、猪肉🐖、有spicy既🌶，真系搞到我有选择困难...但见到原来呢度连食素既顾客都照顾到，佢有个叫做清新素汉堡，都算几窝心♥️。点知侍应话呢期仲有个新口味推出，就系软壳蟹🦀汉堡。哗~~ 我同事最爱食热气野，所以谂都唔谂就点呢个...最后我就要个经典汉堡🍔。
佢个软壳蟹汉堡原来仲有个幼薯条跟餐送，而我呢因为无，所以侍应都即时介绍左呢度好出名既薯条🍟，系用鸭油炸既薯角，好多人都必点，咁去得呢到当然唔放过啦，另外我地就点多一款火热鸡槌（大）🍗，加多两罐汽水，两个人食应该好够啦...系等紧既途中听住音乐倾下计真系无得顶，不过俾我留意到原本呢度系间米芝莲推介既餐厅😲😲，唔怪之得成个环境都好舒服啦~
等左一阵间就已经有香喷喷既美食送到啦，汉堡包再配埋薯条呢一个组合，呢基本上已经无得顶，加上佢用木盘衬底，有的vintage既感觉，未食已经口水流啦。不过当然要相机食先啦~ 转个头黎埋个鸡槌，我地就开餐啦~ 🍴
新加坡香辣软壳蟹堡
$120
66 浏览
0 赞好
0 留言
男同事个款软壳蟹汉堡都好大份，仲好有新加坡特色，入面有的椒丝🌶卖相都好靓，另外配埋个特制既辣蟹酱，睇见又惹味又开胃。我都切左少少食... 个软壳蟹系即叫即炸，真正做到外脆内软，加埋个酱食口感好丰富。另外旁边既幼薯条都唔算幼，而且食落仲有好香既薯味，入口热辣辣真系好正。
经典汉堡
$120
76 浏览
0 赞好
0 留言
而我自己呢个经典既汉堡都唔简单，入面既配料都好多，有牛肉之余，有块番茄、烟肉块、生菜、芝士，净系个卖相份量都已经好巨型啦。食个时真系一口都咬唔晒，佢份牛肉好厚好有肉汁，加埋的配菜食真系唔会太过济。不过佢另一个主角就系旁边既用鸭油炸既薯角啦，薯角炸得金黄色，而且佢既香味真系浓过普通薯条好多，当然又系即叫即炸，食落劲脆口同埋真系有个种甘香既味道，好好食。
火热鸡锤
$88
46 浏览
0 赞好
0 留言
最后到个份鸡槌啦，因为我地叫左个大份量既，所以都系要靠个同事食多的。个鸡槌个皮好脆，的肉都有好多肉汁，唔会炸到干晒，另外配埋佢呢个蓝芝士酱食，食落就唔会咁热气，佢整体既味道都好平均，真系好好食啊。
其后同个侍应倾多两句，原来佢话个汉堡都可以自选配料，如果想丰富的都可以按照佢餐牌个的配料咁加，真系要几大有几大...。
食完埋单呢餐每人$200，我就觉得好抵啦，环境加上味道，整件事都好配合，系中环呢到旺中带静既地方，呢间餐厅下次要再帮衬啊。同埋几个朋友一齐倾下偈饮下酒，呢间米芝莲绝对系一个好选择。
张贴
