影片
更多
2025-01-03
966 浏览
上年年尾跟老婆大人同朋友去咗中環一間勁正嘅餐廳食晏！環境舒服價錢唔貴值得大家收藏。呢間餐廳就係喺中環天星7號碼頭嘅Pier 7 cafe & Bar！好近我做嘢嘅地方食完餐晏可以慢慢行返公司幫助消化。餐廳呢個戶外位真係舒服到不得了，呢度仲可以望到海景㖭好正㗎。餐廳入面都唔弱有個好養眼嘅標準酒吧！收工嚟happy hour應該都幾爽皮。不過我哋今日係嚟食半自助午餐！點解揀星期三睇吓個主菜Menu就知啦，呢度嘅半自助餐唔使$250/位仲要唔收加一，我哋都覺得抵到一個點啊。半自助餐嘢食選擇唔算勁多但係都幾精！餐湯、餐包、頭盤同埋沙律都應有盡有最重要質素唔錯。另外飽肚嘢就有蘑菇白汁長通粉、香草蕃茄茄抓飯仲有熱辣辣嘅燴摩洛哥雜菜。我最想食嘅梗係今日主菜Roasted Beef Brisket啦！放喺側邊嘅焗薯仔千祈唔好放過嘅好嘢嚟㗎。先整碗香滑嘅椰菜花湯整多件鬆軟嘅烤薄餅，跟住食啲沙律同埋菜打底兼夾開胃，煙三文魚好油滑夠咸香好食。跟住梗係要嘆嗰件烤牛腩扒！睇上去好似有啲熟但食落又唔係喎！有牛肉味得嚟仲幾多肉汁好嘢嚟喎。跟住再食啲飯同意粉已經飽到不得了！提提大家一定要食佢哋個焗薯仔，薯仔皮食落去仲
呢間餐廳就係喺中環天星7號碼頭嘅Pier 7 cafe & Bar！好近我做嘢嘅地方食完餐晏可以慢慢行返公司幫助消化。
餐廳呢個戶外位真係舒服到不得了，呢度仲可以望到海景㖭好正㗎。
餐廳入面都唔弱有個好養眼嘅標準酒吧！收工嚟happy hour應該都幾爽皮。
不過我哋今日係嚟食半自助午餐！點解揀星期三睇吓個主菜Menu就知啦，呢度嘅半自助餐唔使$250/位仲要唔收加一，我哋都覺得抵到一個點啊。
半自助餐嘢食選擇唔算勁多但係都幾精！餐湯、餐包、頭盤同埋沙律都應有盡有最重要質素唔錯。
另外飽肚嘢就有蘑菇白汁長通粉、香草蕃茄茄抓飯仲有熱辣辣嘅燴摩洛哥雜菜。
我最想食嘅梗係今日主菜Roasted Beef Brisket啦！放喺側邊嘅焗薯仔千祈唔好放過嘅好嘢嚟㗎。
先整碗香滑嘅椰菜花湯整多件鬆軟嘅烤薄餅，跟住食啲沙律同埋菜打底兼夾開胃，煙三文魚好油滑夠咸香好食。
跟住梗係要嘆嗰件烤牛腩扒！睇上去好似有啲熟但食落又唔係喎！有牛肉味得嚟仲幾多肉汁好嘢嚟喎。
跟住再食啲飯同意粉已經飽到不得了！提提大家一定要食佢哋個焗薯仔，薯仔皮食落去仲係脆嘅入面嘅肉好粉好香口真係正到痹。
食半自助餐都意猶未盡仲散叫咗啲嘢一齊食！呢個係地中海小食拼盤，入面有鷹嘴豆泥醬、中東茄子醬、菲達羊奶芝士同埋青瓜酸乳酪醬，可以用好香嘅薄餅配嚟食，大大個拼盤最啱大家開心share啦。
然後嗌咗兩款好有地中海風味嘅串燒！呢個係土耳其沙威馬雞肉串，紅色嗰啲係醃菜酸酸香咁好開胃，用塊薄餅包埋雞肉一齊食都幾唔錯㗎。
不過我同老婆大人就鍾意呢個烤豬腩串多啲，冇辦法邪惡夫妻鍾意嘅嘢食都係一樣！豬腩肉醃得好入味食落去夠油香好正，加埋佢好特別嘅土耳其甜椒牛油醬呢個串燒真係好惹味。
大家都鍾意食飯後甜品我當然奉陪！甜品櫃入面有四款就全部要晒佢一齊試啦，食半自助餐可以用$38食到平咗$20即刻覺得好抵食。
芒果熱情果慕絲蛋糕味道酸酸甜甜咁都唔錯呀。
呢排人人都食嘅開心果呢度都有！慕絲蛋糕嘅開心果味都幾濃食得過。
雜錦莓果意式奶凍食落都好香滑，加埋啲酸酸甜嘅士多啤梨同藍莓都幾夾。
仲有老婆大人最鍾意食嘅Tiramisu！唔係幾好咖啡嘅我就冇食喇！不過見老婆大人食完之後笑微微個樣味道應該好唔錯。
张贴
