時光逆流 (已結業)

週末去中環附近覓食探店，首先就嚟到一間朋友推薦嘅日式cafe食個lunch。餐廳位置比較隱蔽隱私度好高，餐廳環境充斥日系元素佈置，令人感覺回到舊時日本咁樣，過嚟chill下或打卡都一流～-澳洲和牛漢堡定食和牛漢堡上層係流心太陽蛋，中間夾著微溶嘅芝士片，而底下就係厚厚嘅漢堡扒，非常足料，煎得剛剛好。定食仲配有關東煮、胡麻烏冬麵，非常豐富好飽肚。-煙三文魚百吉圈Bagel裡面夾住煙三文魚肉同埋生菜仲有沙律醬，煙三文魚份量比我想像中多好多非常足料，食落估唔到都幾飽肚，作為light lunch都唔錯🥯-日式大阪燒雖然係輕食但份量超級大呢😂 味道幾正宗食落唔會太厚粉剛剛好，口感同味道都唔錯😋-日本東京第一見到個名已經心郁郁想試，原來係特製嘅芝士蛋糕，據說係東京投票第一人氣嘅芝士蛋糕🍰食落味道剛剛好唔會太甜，芝士味濃郁，口感幼滑令人一啖接一啖🤤-敞開心扉的萬靈藥呢杯飲品個名好文青😆 其實係加咗玫瑰同肉桂嘅熱可可，雖然可可味好濃郁但飲落唔會好膩，反而有玫瑰嘅清香🌹感覺好適合冬天飲呢