影片
更多
2023-04-20
2255 浏览
自己去过老挝当地，但都唔清楚佢哋有咩特色菜🙈见中环有呢间老挝餐厅，钟意试特别嘢嘅我决定试吓上到去成个餐厅好有异国风情😍用上民族feel装饰，颜色鲜艳七彩缤纷Menu选择非常丰富，有啲泰式又有啲越式，毕竟老挝好近泰国▶️ 杂锦海鲜捞粉 ($88)类似越式捞檬，幼身米粉捞埋红萝卜丝同青瓜粒，配上唔同种类嘅「海鲜」捞粉酱汁沟咗鱼露同青柠汁，食落酸酸甜甜好开胃不过因为餐厅预先已经帮你落好酱汁，冇得自己调校，所以食到尾有啲太酸🙈佢嘅粉同一般檬粉有少许唔同，比较似米粉，食落爽弹啲唯一系面偏短，食到尾有啲难夹，要用匙羹食加入红萝卜丝、青瓜粒同豆角粒令质感丰富啲🥒「海鲜」同我想像嘅海鲜有啲出入😂呢度有花芝丸、炸鱼饼、两只虾、大量脆肉鲩鱼虾系要剥壳嘅🦐肉质唔错🐟脆肉鲩切得好薄，冇一般脆肉鲩咁爽脆，不过味道新鲜只系间唔时觉得有啲位未好熟 (有啲透明？)同埋有细骨，要食得好小心除咗捞粉酱汁之外，亦落咗唔少炸蒜头同香叶黎增加味道▶️ 白咖哩鸡肉见求 ($78)真正值得叫系呢个「见求」系列❗️有白咖喱、红咖喱、黄咖喱三款酱，可以按自己接受到嘅辣度选择睇相以为系红米饭，点知原来口感似糯米饭，偏黏身(但又未至于粢饭或者糭
见中环有呢间老挝餐厅，钟意试特别嘢嘅我决定试吓
上到去成个餐厅好有异国风情😍用上民族feel装饰，颜色鲜艳七彩缤纷
Menu选择非常丰富，有啲泰式又有啲越式，毕竟老挝好近泰国
▶️ 杂锦海鲜捞粉 ($88)
类似越式捞檬，幼身米粉捞埋红萝卜丝同青瓜粒，配上唔同种类嘅「海鲜」
杂锦海鲜捞粉
$88
57 浏览
0 赞好
0 留言
捞粉酱汁沟咗鱼露同青柠汁，食落酸酸甜甜好开胃
不过因为餐厅预先已经帮你落好酱汁，冇得自己调校，所以食到尾有啲太酸🙈
佢嘅粉同一般檬粉有少许唔同，比较似米粉，食落爽弹啲
唯一系面偏短，食到尾有啲难夹，要用匙羹食
加入红萝卜丝、青瓜粒同豆角粒令质感丰富啲🥒
「海鲜」同我想像嘅海鲜有啲出入😂呢度有花芝丸、炸鱼饼、两只虾、大量脆肉鲩鱼
虾系要剥壳嘅🦐肉质唔错
🐟脆肉鲩切得好薄，冇一般脆肉鲩咁爽脆，不过味道新鲜
只系间唔时觉得有啲位未好熟 (有啲透明？)同埋有细骨，要食得好小心
除咗捞粉酱汁之外，亦落咗唔少炸蒜头同香叶黎增加味道
▶️ 白咖哩鸡肉见求 ($78)
真正值得叫系呢个「见求」系列❗️
有白咖喱、红咖喱、黄咖喱三款酱，可以按自己接受到嘅辣度选择
睇相以为系红米饭，点知原来口感似糯米饭，偏黏身(但又未至于粢饭或者糭𠮶种黏)🍚
沟咗紫米所以更有咬口(有啲似泰式芒果糯米饭黑糯米𠮶只)口感好得意😋唔系闷闷嘅白饭
白咖喱完全唔辣亦冇咖喱味，反而似忌廉白汁，配见求饭好食👍🏻
🐔鸡肉连皮，味道似白切鸡，肉质正常唔特别多肉
旁边有薯角🥔似脆皮薯仔，炸得好干身唔热气
另外仲有茄子同车厘茄做伴菜
白咖哩鸡肉见求
$78
54 浏览
0 赞好
0 留言
▶️ 热青柠水
跟餐饮品，味道酸过正常柠檬水🤪
-
整体食物唔错，调味丰富，有特色
超级推介大家试佢个咖喱见求饭✨
环境舒服，座位好阔绰，仲有啲去咗泰国嘅feel
服务超好，啲员工(或者系老板同老板娘亲手做？)好友善，叫我哋两个人坐四人枱唔洗咁迫，然后上菜又快，落完单转个头就上
价钱方面可能贵过一般越南餐厅少少，加上佢嘅份量唔算大，男士可能唔够食
不过考虑到佢身处中环区🤥又系特色小菜，香港地难生存 (可能系香港唯一一间老挝餐厅添)都可以理解
中环区唔使$100包饮品冇加一已经可以叫抵食
我哋两点嚟到，成间餐厅得我哋一枱，觉得好可惜，可能唔系好多人知道有呢间餐厅😢但睇得出老板们好用心做，希望有更加多人认识呢度嚟帮衬啦！
张贴
