影片
更多
2021-12-31
63 浏览
黎到中環蘭桂坊，唔好以為只可以去蒲呀，其實呢度細心D搵，係有一間特色樓上咖啡店大家可以去架！呢間角落咖啡廳環境舒適，主打波希米亞風情，色調走柔和路線，店內充滿白色織織既吊飾，而且特別佈置左一個浪漫唯美既打卡位！天花滿滿乾花圍繞、霓虹金句加上網美吊椅，黎食野仲可以順便打卡，唔怪得我個中意影相打卡既網紅朋友死都要拉我黎呢度食啦！不過小編排隊影相既時間仲耐過食物上到餐桌既時間，無辦法啦，全場都係中意影相既女客人。而食物方面竟然仲有素食同生酮食物選擇，有D意想不到呀！咖啡有水準就一定架啦，唔試下就傻啦！角落處係咖啡吧，有專業咖啡機，同一個受過特別訓練既咖啡師，見佢都好熟手，三兩下就拉到精美圖案出黎，客人應該都唔捨得咁快將咖啡飲落肚，點都影番張相留念先啦！而聽客人講杯咖啡飲起黎亦好有水準，毫不馬虎，可惜小編怕飲左訓唔到覺所以叫左杯cappuccino咋，而朋友就想清淡D，叫左杯士多啤梨荔枝綠茶。店內座位其實都唔算少既，窗邊一排三組雙人位，中間有一張長檯，另外再有一D二人檯。座位下面都好貼心預備左個藤籃俾客人放手袋之用。正餐方面，小編叫左個煎帶子香草黑蒜意粉，而朋友就叫左個起級碗，入面就有羽衣甘藍
呢間角落咖啡廳環境舒適，主打波希米亞風情，色調走柔和路線，店內充滿白色織織既吊飾，而且特別佈置左一個浪漫唯美既打卡位！
天花滿滿乾花圍繞、霓虹金句加上網美吊椅，黎食野仲可以順便打卡，唔怪得我個中意影相打卡既網紅朋友死都要拉我黎呢度食啦！
不過小編排隊影相既時間仲耐過食物上到餐桌既時間，無辦法啦，全場都係中意影相既女客人。
而食物方面竟然仲有素食同生酮食物選擇，有D意想不到呀！咖啡有水準就一定架啦，唔試下就傻啦！
角落處係咖啡吧，有專業咖啡機，同一個受過特別訓練既咖啡師，見佢都好熟手，三兩下就拉到精美圖案出黎，
客人應該都唔捨得咁快將咖啡飲落肚，點都影番張相留念先啦！而聽客人講杯咖啡飲起黎亦好有水準，毫不馬虎，
可惜小編怕飲左訓唔到覺所以叫左杯cappuccino咋，而朋友就想清淡D，叫左杯士多啤梨荔枝綠茶。
店內座位其實都唔算少既，窗邊一排三組雙人位，中間有一張長檯，另外再有一D二人檯。
座位下面都好貼心預備左個藤籃俾客人放手袋之用。
正餐方面，小編叫左個煎帶子香草黑蒜意粉，而朋友就叫左個起級碗，入面就有羽衣甘藍沙津﹑烤紅菜頭﹑藜麥﹑西柚﹑牛油果﹑石榴籽。
除左正餐，當然都有蛋糕同甜品食啦，但現場仲有D咩供應就要問返店員為準啦，因為小編咁岩想食生酮蛋糕但就已經賣哂啦。
呢度既多士有兩款係素食，另外仲有素食既全日早餐，估唔到素食選擇比我想像中仲多喎！
除左咖啡，都有各種熱茶可以飲，岩哂冬天黎食野想暖暖身既客人啦，最特別係有生酮咖啡添喎！
呢邊係好先進架，客人可以用手機點餐，只要掃一掃 QR code 就可以登陸網站，再click想食既食物同飲品就可以啦。
餐廳資料
角落 Corner Cafe
地址：中環德己立街23號晉逸蘭桂坊精品酒店2樓 (由中環地鐵站D出口行過去幾分鍾就到，唔需要行到好高)
電話：2382-4899
營業時間：08:00 - 20:30
张贴
