影片
更多
2023-03-01
56 浏览
識我嘅人都知我好鍾意食炸豬扒，估唔到中環開左間主打高檔吉列豬扒嘅日本餐廳。如果你經過門口，應該都會以為佢哋係食壽司同埋刺身。餐廳嘅裝修設計都係走高檔路線，用咗平時日系餐廳常見嘅木質裝修同埋吧枱嘅設計，咁樣廚師就好容易照顧到每一個客人嘅需要。Dinner course 總共有四款可以選擇，4款都係主打唔同部位嘅吉列豬扒，我就揀咗 $980 嘅特上豬扒&特上豬柳。前菜小鉢三種分別係沙甸魚和大根，豬扒時雨煮同埋漬物忌廉芝士。店員介紹要沙甸魚同埋大根一齊食，大根會帶到啲濕潤嘅口感比沙甸魚，好開胃嘅一道小菜。炸車海老廚師將海老炸到連外皮都好香脆，配合埋佢哋秘製嘅他他醬，蝦肉鮮甜又彈牙。高湯啫喱凍蕃茄廚師精心安排依款小食係炸物後面，凍蕃茄已經預先去咗皮，食落非常清甜，高湯啫喱就令到加添口感。炸蟹鉗出面嘅炸蟹鉗有時都會好乾，而佢地就火候控制得好好，食落蟹肉鮮甜又濕潤。日本時令蔬菜配牛奶麵豉醬特別在於用蠟燭保溫嘅牛奶麵豉醬，咁食戈時就可以保持溫度。廚師挑選時令季節蔬菜，配合醬汁食落更加creamy。主食主食當然到咗吉列豬扒嘅環節，佢哋用咗低溫油炸，所以佢哋嘅吉列豬扒完全唔會覺得油膩，同埋內層肉質更加粉
Dinner course 總共有四款可以選擇，4款都係主打唔同部位嘅吉列豬扒，我就揀咗 $980 嘅特上豬扒&特上豬柳。
前菜
小鉢三種
分別係沙甸魚和大根，豬扒時雨煮同埋漬物忌廉芝士。店員介紹要沙甸魚同埋大根一齊食，大根會帶到啲濕潤嘅口感比沙甸魚，好開胃嘅一道小菜。
炸車海老
廚師將海老炸到連外皮都好香脆，配合埋佢哋秘製嘅他他醬，蝦肉鮮甜又彈牙。
高湯啫喱凍蕃茄
廚師精心安排依款小食係炸物後面，凍蕃茄已經預先去咗皮，食落非常清甜，高湯啫喱就令到加添口感。
炸蟹鉗
出面嘅炸蟹鉗有時都會好乾，而佢地就火候控制得好好，食落蟹肉鮮甜又濕潤。
日本時令蔬菜配牛奶麵豉醬
特別在於用蠟燭保溫嘅牛奶麵豉醬，咁食戈時就可以保持溫度。廚師挑選時令季節蔬菜，配合醬汁食落更加creamy。
主食
主食當然到咗吉列豬扒嘅環節，佢哋用咗低溫油炸，所以佢哋嘅吉列豬扒完全唔會覺得油膩，同埋內層肉質更加粉嫩。仲有多款醬汁同埋配料可以選擇，例如黑松露鹽、芝士鹽、岩鹽、一味粉鹽、吉列豬扒汁同埋黃芥末。套餐會跟十六榖米、沙律菜、熱豬扒汁同埋麵豉湯。
特上吉列豬扒
切到一片片嘅特上吉列豬扒，肉味相對較濃，但係肉質同樣軟腍。
特上吉列豬柳
圓柱狀嘅特上吉列豬柳，可以見到最內層仲係粉紅色，好考廚師嘅功力。食落充滿肉汁，又有入口即溶嘅感覺。
免治吉列肉餅
肉質酥軟又多肉汁，外層炸皮又夠薄。
甜品
柚子雪葩配雪梨
雪葩有清甜嘅柚子味，同埋可以食到柚子嘅果肉，好解膩。
總括嚟講今次嘅感受都好特別，冇諗過食吉列豬扒都可以有咁多款菜式，感覺好新穎，下次可以帶埋其他朋友一齊過嚟試。
张贴
