LITE (已結業)

唔知喺中環返工嘅上班一族，有無留意到呢間專食健康餐嘅餐廳-LITE？為咗輕鬆減肥，我去做gym之前專登同朋友去試吓佢哋最新嘅健康墨西哥卷餅（wrap)！😍😍去到餐廳門口，已經覺得呢度唔簡單。原來餐廳樓上有一間新開嘅gym room，如果大家想健康瘦身，可以考慮食完健康餐，再上去健身！😎😎餐廳座位雖然唔多，但係裝修都係時尚同型格風格，好適合大家嚟到打卡。今日星期六晏晝2:00左右嚟到，發現都有唔少人嚟呢間餐廳，證明香港人越嚟越注重健康！👍🏻👍🏻食物方面，今次點咗兩個墨西哥卷餅（wrap)，分別係雞肉同蟹肉，食物好新鮮，仲要係職員即刻收到我哋點單之後立刻準備，非常之有誠意！我最鍾意就係蟹肉，用料十足，仲有我最鍾意嘅羽衣甘藍！聽講羽衣甘藍係superfood 之一，成日食可以減肥消脂，仲可以抗癌添！😍😍另外，我重點左蕎麥麵沙律，材料好新鮮之餘亦都好開胃，因為餐廳除咗加咗紫菜同埋蘿蔔絲，仲家少少酸辣嘅醬汁，好開胃！😋😋飲品方面，我哋就叫咗flat white 咖啡。店員仲好細心喺咖啡上邊寫咗唔同嘅字句，好似提醒大家生活上嘅點滴，幾窩心之餘仲好細心添！👍🏻👍🏻總括而言，極力推薦大家鍾意減肥瘦身嘅