金鶴拉麵 (荷李活道) (已結業)

有日放假陪朋友去咗中環行街同埋影相，去到夜晚嘅時候講起想食拉麵，發現中環都開咗一間雞白湯拉麵，我哋都覺得幾吸引所以就入咗去食，因為嗰日我哋好早就肚餓所以入到去嘅時候都仲係唔使等位，而且因為餐廳係新開嘅關係所以非常之乾淨一到去我同朋友叫咗兩款野，第一個係雞白湯拉麵，第二個係雞白湯沾面，諗住試吓拉麵同埋沾面嘅分別上菜嘅速度都幾快大概等左五至10分鐘嘢食就已經嚟到，講下個雞白湯拉麵，湯底非常之濃郁嘅雞湯味，好香好滑，然後面上面仲有炸牛蒡，食落去好趣口好新鮮好惹味，配埋拉麵都幾特別而且仲有自家製嘅慢煮雞胸肉同埋叉燒，兩款都調配得好好，都唔會太過鹹食完都唔需要飲好多水。拉麵嘅掛湯能力都幾高食落去好開胃，份量亦都啱啱好，係我食過幾高質嘅雞白湯拉麵朋友果一碗沾面我就試咗啖，其實分別唔算太大，只係Jim面嘅湯會比較濃郁同埋鹹少少，就視乎大家想食邊一種風味嘅麵啦然後我哋仲叫咗炸雞做小食，炸雞都幾有驚喜因為係新鮮炸嘅關係所以係好趣而且雞肉非常之滑認真好好食！最後仲叫咗一罐果汁嚟飲tim, Overall 黎講我同朋友都幾滿意而家鋪頭嘅雞白湯拉麵，下次有機會都會再嚟食第二次。