L'AMOUR (已易手) 新餐厅

📍蘭桂坊新開嘅法國菜餐廳，入邊環境勁舒服，真係會想坐好耐傾偈都得！2-4 course set dinner都係$368-$468。呢度嘅頭盤比起出邊選擇多，除咗餐湯南瓜海鮮湯外，仲揀咗焦糖法國鵝肝撻同埋蕃茄沙沙，一定要叫鵝肝撻！個撻皮酥化再配埋幼滑嘅鵝肝醬，一件真係唔夠喉。另外套餐仲可以加配價$38叫多隻法國生蠔或者$58海膽刺身多士同wine。主菜都有八款可以揀，一款就試咗比較少見嘅乾式熟成澳洲紅東星斑柳，加埋忌廉汁味道又幾特別，魚皮煎得好脆口。澳洲M9和牛小排就油花均勻，食落口都好軟嫩。但係最驚喜係餐廳會配埋千層薯仔呢啲心機菜！好有誠意。