影片
更多
2023-04-15
10 浏览
蘭桂坊有好多餐廳，同朋友搵野食嘅時候見到呢間以黎巴嫩首都貝魯特命名嘅餐廳。睇返menu原來以地中海菜色為主打，咁啱同朋友都未食過地中海菜。餐廳環境越夜越多人，更有氣氛。<Chicken Shawarma Platter> $148拼盤顏色繽紛，配料有燒雞柳、車厘茄、青椒、紅椒、沙律菜同埋烤餅，而另一邊就係薯條，跟有茄汁同埋泰式甜辣醬。燒雞柳炭香味相當重，加上特色醬汁用薄餅包住嚟食好滿足；薯條切得粗身，有口感，拼盤份量好啱一大班人share 食。<Mediterranean Dips Platter> $168呢一個喺地中海四式醬拼盤，醬汁包括中東茄子醬、鷹嘴豆醬、紅椒合桃醬、中東芝麻醬，並配上三式地中海包籃。麵包有兩種，一種白色嘅，而另一種就灑上芝麻，加埋帶有地中海特色嘅醬汁食幾特別。其中我地最鍾意紅椒合桃醬，堅果味濃易入口。<Chicken Lovers > $158薄餅除咗有雞肉之外，仲有牛油果、甜椒醬同番茄醬。pizza餅底薄脆，牛油果食落清新，加上沾滿醬汁嘅雞肉，香脆鹹甜，整體味道都幾夾。<Somersby Apple C
<Chicken Shawarma Platter> $148
拼盤顏色繽紛，配料有燒雞柳、車厘茄、青椒、紅椒、沙律菜同埋烤餅，而另一邊就係薯條，跟有茄汁同埋泰式甜辣醬。燒雞柳炭香味相當重，加上特色醬汁用薄餅包住嚟食好滿足；薯條切得粗身，有口感，拼盤份量好啱一大班人share 食。
<Mediterranean Dips Platter> $168
呢一個喺地中海四式醬拼盤，醬汁包括中東茄子醬、鷹嘴豆醬、紅椒合桃醬、中東芝麻醬，並配上三式地中海包籃。麵包有兩種，一種白色嘅，而另一種就灑上芝麻，加埋帶有地中海特色嘅醬汁食幾特別。其中我地最鍾意紅椒合桃醬，堅果味濃易入口。
<Chicken Lovers > $158
薄餅除咗有雞肉之外，仲有牛油果、甜椒醬同番茄醬。pizza餅底薄脆，牛油果食落清新，加上沾滿醬汁嘅雞肉，香脆鹹甜，整體味道都幾夾。
<Somersby Apple Cider> $ 68
呢度有唔少酒可以揀，朋友最後揀咗支蘋果酒，甜甜地夠清爽。
张贴
