一幻拉麵 (已結業)

知道一幻啱啱係中環開咗分店，即刻同同事去排隊食。12:30到，等咗大概15到20分鐘就坐低左。差唔多到嗰陣，侍應就俾咗張點菜單比我地填。有幾款係香港/中環店嘅限定，天氣咁熱可以試吓個冷麵。我同同事都揀咗佢招牌嘅蝦湯拉麵🍜同事揀咗蝦湯加豚骨湯鹽味拉麵，我叫左淨蝦湯鹽味拉麵。我哋唔知原來麵已經跟半隻蛋另外加咗一隻😅試咗同事個湯底，幾好味有蝦湯又有好香嘅豚骨味，有層次同幾夾。而我果碗蝦湯，蝦味比同事果湯出好多，但食得最後會有小小流。最好都係叫粗麵，因為我叫左幼面好快就已經吸晒啲汁。另外加咗碟餃子，入邊啲肉有汁，調味不錯，幾有驚喜。