為食龍 (已結業)

依一間就咁睇啲壽司應該都有啲印象😎 之前銅鑼灣嘅一間小店，主要以外賣壽司，丼飯 為主~ 五月頭結束營業，估唔到轉睇間係中環開業，仲要變做兩層😍 依家試業階段，只接受少量walk in，所以最好預約左先，因為今日平日lunch time去都係full house🥲 店內有唔少綠色植物擺設，好似個小花園，周圍都打到卡~ -腐皮御饍＋3切刺身定食($169) 有兩個option，B choice有齊蟹膏三文魚仔、明太子三文魚、柚子左口魚、蔥吞拿魚拖羅蓉、甜蝦醬厚燒玉子🍣 魚生幾足料，尚算新鮮，加埋腐皮無乜遺和感，甜味更鮮明👍🏾 唯一係三文魚刺生揾到條魚骨🙈 定食會附上麵豉湯、魚糕、韓式粉絲，炸藕片。*網烤牛扒定食($160)等待嘅時間比較長，食完上面個定食都未到😢 牛扒嘅肉味好濃，偏熟左少少，醬汁調配得恰好，幾適合送飯。可惜牛扒比較多筋位，咬到牙鉸軟😂 另外會配上一細舊煎三文魚。*迷你焦糖雞蛋布甸 (跟餐+$38)布甸夠滑溜，蛋香味都幾出，配埋焦糖食唔停口🍮*奶蓋白玉烏龍($48)有一串日式丸子喺奶蓋面，賣相夠晒可愛！😍烏龍同奶蓋好夾，配埋面頭嘅黃豆粉中和返個甜度，飲落唔會太甜😙