影片
更多
2022-02-11
3542 浏览
我一向都好鍾意食韓國菜，而12月中就終於俾我試到Hansik Goo 2.0，佢哋上個月仲榮獲米芝蓮一星嘅殊榮添🌟Hansik Goo韓文意思係指一家人一齊用膳，好有意思，希望疫情快啲過大家可以一班人一齊食飯啦～Tasting Menu ($1280+10% pp) 有9道菜，晚餐先由3款韓式小食同魚子醬蟹肉豆苗粥揭開序幕，個粥鮮香濃稠又暖胃。跟住就有韓式魚生(鰤魚、魷魚同鯖魚)同生牛肉，我個人幾鍾意呢道菜，鮮味無比👍🏻之後嘅牛骨湯鮑魚配韓牛餃子同韓式魚肉豬肉菜餃味道都不錯，正常發揮。主菜之一嘅人蔘雞卷意大利飯，雞卷表皮炸至香脆，米飯用上雞骨同人蔘熬湯煮成，口感煙韌，每啖都充滿人蔘味，成件事新穎得嚟又好有韓式傳統風味🐓另一主菜，亦係成餐飯嘅重頭戲，當然係全新招牌菜韓牛二重奏：烤里脊肉同醬油醃牛肋骨肉餅，配上青口醃蘿蔔飯。微甜嘅醬油將韓牛嘅肉香發揮得更淋漓盡致，韓牛入口即溶，好想再encore🤤甜品方面就有蘋果薑茶雪芭、韓國米酒雪糕配黑蒜蛋白餅同petit four，為成餐畫上完美句號。每一道菜都揉合經典韓食同fine dine新穎元素，睇得又食得。餐廳環境好舒服，店員都好友善。值得一提
Hansik Goo韓文意思係指一家人一齊用膳，好有意思，希望疫情快啲過大家可以一班人一齊食飯啦～
Tasting Menu ($1280+10% pp) 有9道菜，晚餐先由3款韓式小食同魚子醬蟹肉豆苗粥揭開序幕，個粥鮮香濃稠又暖胃。跟住就有韓式魚生(鰤魚、魷魚同鯖魚)同生牛肉，我個人幾鍾意呢道菜，鮮味無比👍🏻
之後嘅牛骨湯鮑魚配韓牛餃子同韓式魚肉豬肉菜餃味道都不錯，正常發揮。
主菜之一嘅人蔘雞卷意大利飯，雞卷表皮炸至香脆，米飯用上雞骨同人蔘熬湯煮成，口感煙韌，每啖都充滿人蔘味，成件事新穎得嚟又好有韓式傳統風味🐓
另一主菜，亦係成餐飯嘅重頭戲，當然係全新招牌菜韓牛二重奏：烤里脊肉同醬油醃牛肋骨肉餅，配上青口醃蘿蔔飯。微甜嘅醬油將韓牛嘅肉香發揮得更淋漓盡致，韓牛入口即溶，好想再encore🤤
甜品方面就有蘋果薑茶雪芭、韓國米酒雪糕配黑蒜蛋白餅同petit four，為成餐畫上完美句號。
每一道菜都揉合經典韓食同fine dine新穎元素，睇得又食得。餐廳環境好舒服，店員都好友善。值得一提嘅係Menu入面有一頁韓文小教室，一落食可以學下韓文都幾得意。
张贴
