更多
2019-07-11
16 浏览
今晚收工遲左所以喺公司附近食,行到去大館附近見到呢間博多拉麵,見到入邊好有日本嘅感覺,我又好耐冇食拉麵,就決定入去解決今晚嘅晚餐啦。呢間拉麵店只有兩個湯底,分別就係豚肉湯底同埋蝦湯底。如果叫套餐,跟既前菜亦都係只有兩款,分別係沙律同埋餃子。我就揀咗別天神套餐($105),豚肉湯底同埋小龍蝦蟹籽沙律。首先嚟咗個小龍蝦蟹籽沙律,食落真係淡淡肉,仲有啲蟹籽添,用紫菜包起嚟食,口感非常豐富。跟住就坐喺度睇住廚師整拉麵,大概10分鐘就有得食啦。個拉麵超足料,兩塊叉燒差唔多有一個手掌咁大,仲有一隻流心蛋,當然仲有平時嘅拉麵配料。呢度有好多款調味料可以落,牆上仲貼住指示教你點樣調味。我貪得意就全部都試吓,發現幾鍾意個七味粉同埋芝麻,落咗之後真係味道昇華。個豚肉湯底好香濃,係唔落奶類製品下都做到咁嘅效果,真係厲害。呢度標榜係冇落味精,只係豚肉同埋水,所以食完都冇話好口渴,唔需要叫嘢飲都非常之滿足啦。
呢間拉麵店只有兩個湯底,分別就係豚肉湯底同埋蝦湯底。如果叫套餐,跟既前菜亦都係只有兩款,分別係沙律同埋餃子。我就揀咗別天神套餐($105),豚肉湯底同埋小龍蝦蟹籽沙律。
跟住就坐喺度睇住廚師整拉麵,大概10分鐘就有得食啦。
呢度有好多款調味料可以落,牆上仲貼住指示教你點樣調味。
我貪得意就全部都試吓,發現幾鍾意個七味粉同埋芝麻,落咗之後真係味道昇華。
個豚肉湯底好香濃,係唔落奶類製品下都做到咁嘅效果,真係厲害。呢度標榜係冇落味精,只係豚肉同埋水,所以食完都冇話好口渴,唔需要叫嘢飲都非常之滿足啦。
张贴