Ebeneezer's Kebabs & Pizzeria- Express (閣麟街) (已結業)

因為中環返工，平時中午都需要周圍覓食，但中環性價比高嘅餐廳唔多，平均要六七十先較有水準嘅午餐。
有次行過半山扶手電梯下面，有間土耳其菜，竟然最平四十五蚊就有午餐食，裡面有卡巴或者飯揀，仲送罐裝汽水。

最後我揀咗烤雞飯，職員即叫即整，午飯時間最後等左大約十分鐘，由於餐廳主打外賣，只有少量戶外位置堂食，所以選擇咗外賣返去食。

烤雞飯

$45

烤雞飯一早淋定哂牛油果醬、沙律醬等喺上面，容易撈飯。烤雞味道正常而且份量多，白飯係類似印度長香米，旁邊仲有小量沙律，算係濃味中有蔬菜清新一下。