大吉居酒屋 (已結業)

係中環食飯閒閒地都幾百蚊上落，今晚朋友即興約我係佢公司附近度食日本野都諗住要起碼五舊，點知，每人三百有找仲要捧住個肚走喎究竟係邊間咁抵食呢？我講緊既係係威靈頓街somptueux central serviced office入面既日式餐廳。呢間餐廳地方寬敞，環境唔錯，裝修簡單企理，服務員態度有善又有禮。Menu呢度係間日式放題既居酒屋，任飲任食，食物款式選擇多而且質素拍得住出面既星級日本料理餐廳tim。飲品就有汽水啤酒紙包冷熱都有，仲有雪糕同甜品如果要飲清酒就要另外order收費。呢度既食材係日本空運黎港既，刺身方面有帶子、鮮赤貝鱈場蟹腳、油甘魚、赤蝦同深海吞拿魚等等...仲有手握壽司、爐端燒、天婦羅、鐵板燒、串燒、鍋物等等...刺身新鮮冇雪味，order幾多黎幾多，唔會亂咁加減。壽司size適中，而且仲用日本珍珠米，所以食落好有嚼口。沙律一d都唔馬虎，蘆薈鮮柚沙律超好味又開胃。其他熱食都好高質，尤其係呢個清酒花甲，花甲又大又鮮甜仲唔會有沙