昭隆燒味茶餐廳 (已結業)

今日嚟開中環，經過見到都幾多日幫襯，等我又食個燒味飯先，叫五寶飯就可以咩都試下，唔使選擇困難！
嚟到見到份量好多，中環咁嘅價錢同份量，抵啦！啲叉燒又幾好味窩，唔會太肥，又5鞋口。最中意就係燒肉，夠脆皮！鹹蛋好耐無食啦！撈飯食好正。鵝肉都好味，肉多入味唔會好肥。依個五寶飯，樣樣燒味都好味，係中環想平平地食飯的好選擇！杯熱可立克仲好濃郁，好有奶味。依度的收銀姐姐有問我要唔要試湯，不過今日想飲甜嘢，下次試下先！啲咖哩都感覺後吸引咁！