唐記包點 (已結業)

一直都以為唐記包點只存在喺地鐵站內，但原來已經陸續開設分店於商場和街舖，今日仲比我發現中環德己立街都開左間！太好啦！又多個平靚正既選擇，唔使成日捱貴飯同快餐。中環德己立街店設有高枱供人立食，唔一定要take away，不過我都選擇輕輕鬆鬆買返公司同同事食。唐記唔一定食包，其實仲有好多蒸飯、點心、小食選擇，仲要好抵食！《咸魚肉餅飯 $28》咸魚比預期多，肉餅幾香又算厚，唔會太多肥膏，而白飯都幾多，夠晒撈飯食。《鳳瓜排骨飯 $28》太肚餓而忘記影相，所以相中既鳳瓜排骨飯已經被我食左一部分。醬汁足夠撈飯，唔會dry，排骨骨位比較多。《砵仔糕 $8》勁多紅豆，飽都忍唔住要買個嚟食。《煎鍋貼 $16/3只》仲熱既，肉餡算多同有肉汁。叫多個點心《雞扎 $18》兩份食，一件都幾大舊，雞肉又幾滑，都唔算好油。