雖然$198起，但完全唔會Hea你，首先黎個熱辣辣既餐包，係用Staub鑄鐵盤上，熱辣辣，面頭灑左少少海鹽，仲會跟一個自家製焦糖洋蔥牛油，誠意滿滿！
咁頭盤我今日梗係揀最抵食最開心既 帝王三文魚魚生，配 三文魚籽，醃青瓜 ， 法式酸忌廉，呢道菜平時單點要$195，宜家lunch食就抵好多啦！好厚切三文魚，加少少魚子粒粒果種咸香，然後醬汁開胃，加埋酸忌廉，食落口滑 lud lud!好味！
再黎就係主菜酥脆香煎雞配忌廉薯蓉，第戎芥末酸瓜龍蒿醬，呢道菜又係抵食，平時夜晚要單點，宜家lunch set menu又可以試到，正！個雞你睇相都睇得出係勁香脆，仲要無骨（除左雞比位），食落Juicy啖啖肉，爽皮！Mashed potato做得夠幼滑，加埋少少酸瓜醬，又唔膩，真係食唔停口！
最後同同事覺得有少少耳猶未盡，叫左心太軟同埋一杯Zero-alcohol cocktail，嘆多陣個靚景先返公司。。夠晒Chill！
1
總結，$198-＄288呢個2-course set lunch定價，係中環真心無得輸！要黎！
