中環茶記 (已結業)

朋友提過而間懷舊茶記，咁岩男朋友係中環收工，所以就去左一試。餐廳裝修到好似舊式茶記，睇得岀落左一番心機。餐牌選擇唔算太多。<煎美國西冷牛扒，$158>西冷牛扒五成熟，以茶餐廳黎講個生熟程度算係控制得好好，而且唔會好硬，都腍身可以好輕鬆咬到。再配合埋炸得好香口既薯條，男朋友都覺得唔錯。<常餐，$78>另外叫左一個常餐，叫左黑松露芝士炒蛋多士，估唔到茶記都用高級料，炒蛋都幾滑。個餐仲有蕃茄牛肉通粉，好足料，不過蕃茄味反而唔係好足。之後仲叫左兩杯懷舊飲品，一杯椰汁紅豆冰，另外仲有綿花糖雜果賓冶。紅豆冰好多紅豆同埋椰汁味都好夠，有以前既特色，雜果賓冶真係無試過有綿花糖，好新穎，而且有好多生果，唔會太甜。總括黎講係而間茶記食飯既環境好有懷舊感覺，想懷緬下過去既朋友都可以黎一試。