陀地燒 (已結業)

估唔到中環都有地道串燒😍性價比極高！每串都係$8-$16左右，其他款式（例如燒雞泡魚乾）最盡都係去到$38，抵！我地兩人食左4百幾蚊都好夠飽😋最最最推介係翠玉瓜🥒燒完都仲保持到juicy💦韮菜個量超多，加埋無限孜然粉超惹味🤤岩晒重口味既我！鍾意食辣既人一定要挑戰青椒🌶️食完個嘴痺痺左好耐🤣燒麻糬有啲似平時食個啲紅糖糍粑嘅感覺～chewy chewy燒茄子好出色，又係保持到好juicy💦蒜蓉量一啲都唔吝嗇！燒雞泡魚乾$38，認真抵食過啲居酒屋好多！另外我哋仲嗌咗雞腎、牛舌、牛胸爽、羊肉、鵪鶉蛋etc 全部都燒得剛剛好，唔會太熟，或者燒到好乾身。食完好滿意，一定會同朋友仔再嚟食！