影片
更多
2019-07-31
115 浏览
🔎中環域多利皇后街2號地舖「中環平民西式台灣菜」- 一起食堂 (中環)我好鍾意去台灣，冇得去台灣嘅時候就鍾意喺香港周圍搵特色嘅台灣菜食。咁啱今日要去遊行，所以行完之後就喺附近搵一間餐廳坐低抖下。托托蜆烏龍麵 ($118)，魯蛋 ($12)因為天氣真係好熱，唔係好想食啲太重味嘅嘢，而且想食啲有湯嘅麵，所以就點左呢個味道比較淡嘅清湯烏龍麵。碗入面有四隻好大嘅蜆，好新鮮好清甜。烏龍面好彈牙，唔會煮到好淋身。同我一樣鍾意食海鮮嘅你哋要試吓！🤤原條蒲燒鰻魚飯 ($138)留意返條鰻魚長過隻碗架！鰻魚好厚肉，鋪喺飯面令到啲鰻魚汁索晒落啲飯度，再加埋啲飯素碎碎口感好豐富！細心既朋友會注意到個飯入面有隻溫泉蛋，拮穿左流心既蛋黃之後滲入啲飯，混合埋饅魚汁，再切一舊鰻魚連埋蛋黃飯一次過放入口，豐富又juicy既感覺令人難以忘懷！鹽酥雞 ($32)同行既男性友人因爲要大隻，所以要點雞肉喎！但我就純粹鐘意食鹽酥雞所以我舉腳贊成🤤一放入口就不停大叫好好食啊！點解可以做到咁鬆軟？炸粉唔會太厚，雞肉好嫩滑多汁，同時亦都醃得好入味，大愛！🥰芋圓仙草凍 ($38)之前有一排好興食芋圓，所以我都試過喺自己屋企整，雖然要準
「中環平民西式台灣菜」- 一起食堂 (中環)
我好鍾意去台灣，冇得去台灣嘅時候就鍾意喺香港周圍搵特色嘅台灣菜食。咁啱今日要去遊行，所以行完之後就喺附近搵一間餐廳坐低抖下。
托托蜆烏龍麵 ($118)，魯蛋 ($12)
因為天氣真係好熱，唔係好想食啲太重味嘅嘢，而且想食啲有湯嘅麵，所以就點左呢個味道比較淡嘅清湯烏龍麵。碗入面有四隻好大嘅蜆，好新鮮好清甜。烏龍面好彈牙，唔會煮到好淋身。同我一樣鍾意食海鮮嘅你哋要試吓！🤤
原條蒲燒鰻魚飯 ($138)
留意返條鰻魚長過隻碗架！鰻魚好厚肉，鋪喺飯面令到啲鰻魚汁索晒落啲飯度，再加埋啲飯素碎碎口感好豐富！細心既朋友會注意到個飯入面有隻溫泉蛋，拮穿左流心既蛋黃之後滲入啲飯，混合埋饅魚汁，再切一舊鰻魚連埋蛋黃飯一次過放入口，豐富又juicy既感覺令人難以忘懷！
鹽酥雞 ($32)
同行既男性友人因爲要大隻，所以要點雞肉喎！但我就純粹鐘意食鹽酥雞所以我舉腳贊成🤤一放入口就不停大叫好好食啊！點解可以做到咁鬆軟？炸粉唔會太厚，雞肉好嫩滑多汁，同時亦都醃得好入味，大愛！🥰
芋圓仙草凍 ($38)
之前有一排好興食芋圓，所以我都試過喺自己屋企整，雖然要準備嘅材料唔多，但有整過嘅人都知道過程中間要瘋狂差粉其實好攰，所以三十幾蚊可以食到一碗芋圓仲要咁足料咁多粒真係好難得。係夏天食完真係透心涼，有消暑嘅效果。
仙草冬瓜茶 ($24)
同行嘅朋友係一個冬瓜茶粉絲，每次有台式飲品嘅地方佢都淨係獨沽一味，一定係飲冬瓜茶。今次呢個冬瓜茶入面仲加咗仙草，除咗消暑之外，仲好有𡁻口。可能因為我本身鍾意食呢啲彈牙嘅嘢，我偷飲左一啖覺得呢個組合好好，以前從來都冇諗過冬瓜茶入面可以加仙草。
冷泡茉前毛尖茶 ($24)
我本身就唔係太好甜野，所以叫咗呢個冷泡毛尖茶，仲要係無糖嘅就好啱我口味。夏天個個都想飲凍野，我都唔例外，不過對於甜野我就好堅決要戒，因為甜野係會上癮，當然依賴左糖之後就好難戒掉。呢個茶好濃，甚至乎可能有啲人會覺得佢苦苦地，不過我就好鍾意呢種苦澀味，解渴之餘又唔會覺得漏！大推！唯一覺得唔好嘅地方就係餐廳用左即棄膠杯，飲完之後會有罪惡感，如果餐廳可以用返循環再用嘅杯咁就完美喇！
🍽9/10
张贴
