影片
更多
2010-08-29
160 浏览
為咗健康著想，都係食番餐粥！之前，聽個同事講，上環買碗雙拼粥要成 $35！聽起嚟都幾唔抵食喎！我有次走過機利文新街，發現呢條街有好多餐廳；有粥檔、茶餐廳、.........。睇到呢間粥檔貼上價錢，多數粥賣 $14，最貴嘅只不過係 $21。相當抵食！今次第一次幫襯，試吓係點！ 魚片瘦肉粥 $14一叫完，話咁快有得食嘞！我好多時食粥會辣親條脷，所以，小小心心一羹一羹慢慢食！突然間，出面傾盆大雨！今次真係可以慢慢食！粥底煲得夠綿軟，味道亦鹹淡適中；用料很足，魚片和瘦肉的份量不少，配上少許蔥粒帶出香味。魚片砌得夠薄，仲要係唔腥，好似打邊爐咁，只係喺生火滾粥拖一拖就上枱，食起嚟夠滑。加咗一些超幼薑絲用嚟辟腥，就算食咗都唔覺好辣。瘦肉原來係入味嘅咸瘦肉撕為一條條嘅豬肉絲，起碼容易入口，又唔會韌唔會嚡，最緊要食起嚟唔會有楂！ 腸粉 $8腸粉係即拉架，所以食得出香滑得嚟有啲腍，仲有係熱辣辣！Hm... 我估大約有4 ~ 5 條，個碟睇嚟有好多嚿！搭枱嘅兩夫婦食客，位食客先生，見我第一次嚟唔知道要自己落花生醬....，所以，佢將花生醬、甜醬、芝麻、牙簽擺哂喺我面前，跟住佢哋埋單走人。真係非常唔該呢！！
之前，聽個同事講，上環買碗雙拼粥要成 $35！聽起嚟都幾唔抵食喎！
我有次走過機利文新街，發現呢條街有好多餐廳；有粥檔、茶餐廳、.........。
睇到呢間粥檔貼上價錢，多數粥賣 $14，最貴嘅只不過係 $21。相當抵食！
今次第一次幫襯，試吓係點！
魚片瘦肉粥 $14
一叫完，話咁快有得食嘞！我好多時食粥會辣親條脷，所以，小小心心一羹一羹慢慢食！突然間，出面傾盆大雨！今次真係可以慢慢食！
粥底煲得夠綿軟，味道亦鹹淡適中；用料很足，魚片和瘦肉的份量不少，配上少許蔥粒帶出香味。魚片砌得夠薄，仲要係唔腥，好似打邊爐咁，只係喺生火滾粥拖一拖就上枱，食起嚟夠滑。加咗一些超幼薑絲用嚟辟腥，就算食咗都唔覺好辣。瘦肉原來係入味嘅咸瘦肉撕為一條條嘅豬肉絲，起碼容易入口，又唔會韌唔會嚡，最緊要食起嚟唔會有楂！
腸粉 $8
腸粉係即拉架，所以食得出香滑得嚟有啲腍，仲有係熱辣辣！Hm... 我估大約有4 ~ 5 條，個碟睇嚟有好多嚿！搭枱嘅兩夫婦食客，位食客先生，見我第一次嚟唔知道要自己落花生醬....，所以，佢將花生醬、甜醬、芝麻、牙簽擺哂喺我面前，跟住佢哋埋單走人。真係非常唔該呢！！ 豉油本身由店員倒上碟，我自己落花生醬，兩者已經足夠令腸粉好惹味！亦係我慣常配搭！食完發覺個碟好油，可能係因為花生醬用滾油做成！先可以咁滑又容易倒出嚟！
大部分食客都食完，出面仍然落住大雨！大家都滯留喺度！搭枱位阿太話咁大雨都唔知點走，跟住，我哋開始傾計。我見佢碟炸兩，食剩啲油炸鬼；我好奇問佢，係咪油炸鬼唔好食呀？佢話油炸鬼其實 OK ，只不過係佢好飽所以食唔落！原來係咁！臨走佢仲同我講 Bye-Bye！雖然當時落大雨，但係我遇到好 nice 嘅食客，感覺不錯！ 只係見呢度地下有啲紙巾垃圾及牙簽，少少 dirty !
张贴
