蛋奄列幾足料且材料特別，有: 煙肉、菇、蕃茄粒、紅蘿蔔粒、洋蔥粒、檸檬葉等等，咁多蔬菜嘅奄列口感豐富又清新。奄列配微烘過嘅厚多士，如果多士烘得脆點就更好。
英式全日早餐好豐富，賣相精緻，有: 蛋、煙肉、腸、菇、車厘茄、沙律菜、茄汁豆，同埋酸種麵包。可以選擇蛋嘅煮法，我地揀左煎蛋。
跟set加嘅yogurt bowl擺碗精美又份量十足，希臘乳酪上淋上蜜糖，上面整齊地鋪上多款新鮮水果，有:香蕉、士多啤梨、藍莓，並加入穀物、杏脯乾等配料，好味、健康又飽肚。
Lunch set包咖啡，以中環區嘅精品咖啡店嚟講，性價比很高。
