Chopsticks Fork n Knife Express (CFK Express) (已結業)

中環上班族一定明白午飯時段餐廳一位難求，唔想等位同人迫唯有叫外賣啦，香港站上蓋新開一間專營外賣既fusion 菜，選擇夠多唔怕悶。店內有即製熱食，亦有已製好的熱食放於保温櫃供選擇，中西日韓都齊晒。韓式泡菜豬肉便當 $78外賣擺盤精美又夠熱辣辣，份量亦很充足。前菜有齊泡菜、黃瓜片及蛋卷，豬肉片片厚薄適中啖啖肉，味道不會太辣，白飯面舖滿飯素夠誠意。粟米忌廉湯 $18忌廉湯較杰身，內含粒粒粟米，如稀少少會更美味。即磨咖啡隨餐附送熱飲，味道正常。