📍中環蘭桂坊德己立街22號地舖
早幾日同朋友喺中環逛街覓食，無意中發現左哩間霸嗎拉麵。喺酒吧林立嘅蘭柱坊對面 哩間日式餐廳🇯🇵特格顯眼。店入面都十分有日本🇯🇵嘅感覺！
小編今次揀左「煮干魚介豚肉拉麵」🐟🐖🍜係今期店舖推介嘅一款拉麵。食落完全感受到湯底濃郁，比普通豚肉拉面多出一份魚介嘅鮮甜，但又唔會覺得油膩。另外厚切嘅炙燒豚肉亦都超級好食，肥瘦均勻而且充滿住肉汁同焦香，非常推介。
小編朋友就揀左「特盛炙燒豚肉拉麵」🐷🐷🐷🍜。湯底同樣濃郁，而且特盛嘅肉量絕對能夠滿足到想一享霸嗎拉麵🍜招牌叉燒嘅慾望。
除此之外，我地仲叫左一道「羽根燒餃子」🥟🥟同埋一道「南瓜薯餅」🎃🥔佢為小食。餃子外皮薄脆，同鮮嫩嘅內餡形成層次感，配上醬汁，更加好食！另外，南瓜薯餅都幾好食，金黃酥脆的外皮包裹著柔軟嘅南瓜🎃薯蓉非常夾，甜味同鹹味亦都配搭得恰到好處。
