alfafa Cafe (已結業)

星期六同男朋友兩點幾先食lunch，入左呢間唔駛加一既餐廳醫肚。Set for two包前菜、主菜、甜品及餐飲，只要$199，所以嗌左呢個餐，再散叫少少野食。是日餐湯係蔬菜湯，好足料，另配有食落好健康既餐包。焗肉醬千層麵配薯蓉好邪惡，一層麵皮一層肉醬，口感豐富。薯蓉口感綿滑，好飽肚既主菜。未來漢堡配薯條塊漢堡扒食落真係好似真肉，夾住新鮮既牛油果、生菜、番茄。朱古力蛋糕配雪糕好食，朱古力蛋糕唔會好實，溶溶既口感好正。有機茶揀左蘋果綠茶，加左$4要凍檸蜜。蘋果批好大個，好多層酥皮，蘋果集中係最底層。蜜桃撻撻皮夠脆，蜜桃好食，吉士醬又唔會好甜，唔錯。