天慶 (已結業)

今日Lunch去左呢間位置比較遠既日本餐廳食飯，平時中環四周圍都係人，今日十二點幾去到都已經坐左幾檯，但係由於空間大，所以完全唔會覺得逼，岩曬同同事傾計慢慢坐，又唔會比人趕。Lunch set有幾款可以簡，今日特別想食牛就加左少少錢叫左個牛肉定食。前菜係一個豆腐，超級有驚喜，因為豆腐上面有日本麵豉，令到成個味道好突出，但係豆腐既味道又食到出黎。而牛定食份量好夠，每一舊牛都唔會煮得太熟，亦都食唔出牛有筋，好過自己去食燒肉既份量。最後加左個桃雪葩，好夠桃味，但如果唔鐘意食太甜既人就未必岩。總括黎講成個set都十分抵食。